Magwyd Thomas Charles Jones yn Llansadwrn yn Sir Gar.
Aeth i Ysgol Y Ficer Pritchard yn Llanymddyfri ar ôl iddo fethu y Schollarship i'r Ysgol Ramadeg. Ond wedi llwyddiant yn ei arholiadau Lefel O a safon uwch aeth i Brifysgol Cymru yn Abertawe lle gaeth rhyw fath o radd yn Botaneg. Ar ôl cyfnod o ddysgu, gwnaeth cwrs allanol ym Mhrifysgol Caerdydd a derbyniodd gradd M.Ed.

Wedi arholiadau TGAU penderfynodd TC ar yrfa mewn gwyddoniaeth yn lle celf. Serch hynny mae erioed wedi ymddiddori yn y ddau faes ac adlewyrchir hyn mewn gwahanol agweddau o’i waith. Yn amgylchfyddwr brwd mae ei hoff bynciau yn cynnwys bywyd gwyllt ac arlunio tirlun. Wedi ymddeoliad o ddysgu gwyddoniaeth a hefyd cyfnod yn gwasanaethu yng Nghynulliad Cenedlaethol Cymru, mae ef o’r diwedd yn mynd ati i greu gyrfa ym myd celf.